相信近來無論你有無炒開股都好，依個月都應該不停見到 GameStop 呢個字，呢件事再次引證網民力量是不容忽視。
如果唔清楚來龍去脈的朋友，我先做一個簡單的背景交代。
上星期，美國遊戲公司 GameStop 股價狂飆，由 US$20 勁升超過 1700%，最高峰時更升至 US$413.98 歷史高位。這次事件源於社交平台 Reddit 上的網民散戶所發起，網民號召集體抗衡高調唱淡 GameStop 的華爾街沽空機構，於是大量買入 GameStop 股票，憑藉網民的力量，成功殺金融建制巨頭一個措手不及。回想自己學生年代，散戶想買美股都要靠 Broker，宜家只要 dowload 個 App 想幾時買賣都可以，市場結構由過去主要向大戶傾斜，正逐步趨向平民化。再者，網絡平台言論自由更是推波助瀾，世界各地有相近理念的人建立組織非常容易，好似早幾年 Kickstarter、FringeBacker、Umadx 等呢類型靠網上發起募捐集資的眾籌平台均是實證。
又不如講近我地香港多啲，由賣＄1 的黑紙變成＄10 的100毛，之後仲掛牌上埋市的毛記葵涌，佢地喺 Social Media 做得非常出色，得到網民的支持而大受歡迎，上市當日更曾一度由招股價 HK$1.2 升破 HK$7。網民的力量不再只局限於溝通交流，網絡行為更會影響整個社會及經濟形態。當華爾街大鱷都可被網民集體力量擊潰，仲有咩係無可能？
#MrBusiness #GameStop
Search